Freunde und Singles in Mecklenburg-Vorpommern

Bardamen un hör Postje bito
So um negenteinhunnertfievunsesstig herum weer dat för de Reeders man ´n flaue Tied, wiel se kien Matrosen un Deckslü genoog kriegen kunnen, um hör Schepen in Fahrt to hollen. Se mussen sük ´n Bült infallen laten, um dat noch so enigermaten hentokriegen. Aber de Reeders kregen of un an Hülp van enige Bardamen, de sück ook wat infallen laten harren........


So um negenteinhunnertfievunsesstig herum weer dat för de Reeders man ´n flaue Tied, wiel se kien Matrosen un Deckslü genoog kriegen kunnen, um hör Schepen in Fahrt to hollen. Se mussen sük ´n Bült infallen laten, um dat noch so enigermaten hentokriegen. Aber de Reeders kregen of un an Hülp van enige Bardamen, de sück ook wat infallen laten harren...

So mennig Seemann weer faaktieds en hele Jahr mit ´n Schipp in de wiede Welt unnerwegens west un wenn he denn Urlaub kreeg, muss he eerstmal sien Frust losworden un wor klappde dat woll beter as in ´n Kneipe of in ´n Bar. Wenn he dor man eerst in was, denn gung dat alls sien Gang, so as sük dat in ´n Bar hören dee. Toeerst en Stück of wat Lüttjen un Beer, un wenn he in ´n gode Stimmung komen was, föhrden hum een of twee passende „Bardamen“ in en moje „Separè“ – of wo dat heten dee. Dor weren de Drinks peperdüür und he muss denn ok vööl Geld berappen. Wovööl dat am Enn weer, dat wuss he nich mehr so genau – he wuss blot, dat he am Enn kien Geld mehr in sien Knippke harr un sien Reken neet mehr betahlen kunn.
Van de Moment an wurr de Bardame ok noch to ´n „Arbeitsvermittler“. Plattdüütsk kunn se neet, wiel se ut´n Süden kweem, man daarför harr se mennig anner Künsten drup. „Gib mir bitte Dein Seefahrtsbuch, ich bestelle Dir ein Taxi, und das weitere wird von mir geregelt. Dein Seefahrtsbuch kannst Du Dir morgen wieder abholen“. (De Personalchef nöömde dat: „Lü mit ´n Lasso infangen“). An de sülvke Dag leep se (de Lasso) dormit na „hör“ Personalchef (de kennde se heel persönlich), gaff hum dat Seefahrtsbook un de gode Mann betahlde denn de Reken (Bardamen, Sekt un Taxi). As de Matrose weer bie Benüll was, gung he na de Personalchef un wull sien Bookje weerhalen – de kreeg he aver neet. He muss erst up ´n Schipp anhüren un sien Schülden ofarbeiden.
Nu harren s' de all wat van. De Reeder harr weer ´n Matrose, de Matrose harr Arbeid, de Stüürlü bruukden sük de Handen neet smerig maken un de Bardaam harr ´n gode Raibach maakt. Dorbi harr se de Arbeitsvermittlung ok noch ehrenamtlich leist.
Dat is doch moi, wenn de Min